【移英港人】移居英國2個月覓超市搬運新工　50歲前教師將勤補拙獲讚做得好

親子

發布時間： 2022/10/17 13:31

熱門 DSE 逆天奇案2 超市大搜查癌症殺手九龍城寨之圍城新手爸媽名校專區高才通到校服務會員有獎

▲ 一名50歲的前香港教師移民英國後，很快在大型連鎖超市ASDA覓得工作。

香港人移民英國，大部分都未能做回老本行，甚至要放下身段做基層工種。一名年屆50歲的前教師最近分享移居英國後，覓得一份新工在超級市場做搬運，雖然要搬重貨，體型又不及英國人，但他將勤補拙，獲得經理大讚，引來大批網民留言鼓勵他要加油。

最新影片推介︰

該名前教師在facebook群組「香港人移民英國資訊分享」早前發帖文分享，自己移居英國約2個半月，並已在英國大型連鎖超市ASDA工作了2星期，每星期返3至4日，很開心得到同事的關顧。

同事好肯問你做成點，講How are you就一定㗎啦！有個大我少少嘅同事就Day 2喺pantry撞過佢，見我新同事，同我打招呼。話有聽過同事講過我（可能因為我返工第一日就打爛咗兩支Pimm’s嘅酒，加埋4X鎊。），同埋認得我，可能因為我係成間超市唯一一個亞洲人僱員啦。

前教師分享第一個星期返工時，學習了如何執貨及從貨倉取貨，有個經理教他怎樣執拾「Drinks」那一行架頂的後備貨，如果見貨架的現貨賣得七七八八，就盡快從架頂拿下補貨，之後經理更放手讓他自己執「Water」那一行，獲得經理認可。

呢日放工前，個經理見我做到佢要求，同佢同行In我嗰個最大嘅manager講，我做得好好。

▲ 英國大型連鎖超市ASDA長期在網站招聘人才。（法新社）

他感謝這位經理不時提醒他和鼓勵他，也很欣賞他做事親力親為，因為飲品及水非常重，好易弄傷自己，其他同事免得過都不想執拾，所以架頂堆積了很多貨。身形高大的經理主動執拾這兩行，做到大汗疊細汗，「我做細嘅點敢hea呀！」他又言這種經理「跟得過」，但他一定要有表現，因為經理對工作有要求，「不過你做唔啱要求，經理都會好nice提醒你，有講有笑！」

他在這個星期主要負責搬運飲品及水，體型矮小的他不斷提醒自己小心，不要弄傷自己，「呢度睇醫生，尤其跌打……係無！」他認為經理叫他幫手做這個部分，證明他有存在價值，「身材矮、細粒過佢哋嘅亞洲人，辛勤一樣可以彌補先天體型不足！」

要肯學肯問

他有感這裡的工作環境簡單，做好本份就可，非常適合他，同事亦樂於助人。他本來在香港已經很少行超市，因此在英國超市工作猶如入大海一樣，「頭兩日有顧客問我啲貨喺邊，我真係一頭霧水。」得到同事相助後，他開始熟習環境，能夠解答顧客查詢貨品的位置。

「真係唔知就問其他同事，『路在口邊，問題解決』。正如其中一個經理同我講：『No questions are silly questions!』以前喺香港提出問題會俾人覺得煩同阻住人做嘢，呢度嘅人就截然不同。幫到同事，幫到自己，幫到公司建立形象。」

帖文一出，很多網民留言支持及鼓勵他要加油，其中一名網民表示，外國的工作環境和文化不一樣，重視人與人之間的溝通，「唔似得香港你死你事」，他相信香港人適應力強，去到那裡都有能力維持應有的生活水平。點擊圖片即睇網民意見︰

▼點擊圖片放大

分享求職心得

另有不少網民請教他的求職心得，他亦有逐一回覆。有網民擔心年紀問題找工作會有困難，他才透露自己50歲也能獲聘，「你覺得有冇問題？」求職面試時，經理問他有沒有做過customer service，分享處理過的個案經驗，他就分享自己如何處理與學生家長的問題，因學生家長就是老師的「customer」，做超市都需要懂得簡單對答，起碼要盡己所能幫忙，與客人有交流。